《深噏》深水埗社區報

每期一張A3大小，底面皆有滿滿嘅文字同相片內容。呢份立足深水埗嘅區報《深噏 The Sum Up Post》 @thesumuppost ，似乎手到拿來唔少故題（故事主題）。呢個唔單止因為深水埗社區一直以來都咁多元混雜，具豐富歷史（至少可以追溯到李鄭屋古墓，即東漢時期公元25年至220年啊），亦相信因為區報背後嘅出版人係一個落戶深水埗嘅社褔機構 @itssp_hkywca ，早已有一定地區綱絡，要搵訪問、故仔應該總有方法。

觀乎幾期《深噏》，編採方向頗依重呈現區內嘅基層民生生活，傍及區內新舊文化的碰撞與火花。值得一提區報有時會附設小店嘅消費優惠卷，係一個連結同帶動讀者認識同支持區內小店嘅小行動。整體內容上雖然未必對居住喺區內嘅居民有好切身嘅關係，但無論對區內外人嚟講，《深噏》報道嘅內容可以呈現出一個表面下嘅深水埗，一啲生活係其中人嘅生活形態、感受，同埋一啲喺區內社褔機構嘅工作。

館長欣賞《深噏》詳細深入嘅人訪同小店做事，亦設有街坊投稿欄目；《深噏》一字似乎取自英文音 Sum Up，中文名意思可以理解為「喺深水埗噏（講）嘅嘢」，但同時讀起上嚟似「心翕」，忍唔住講句「真係睇到《深噏》啊！」

《深噏》喺2020年9月出版第一期，至2021年12月出到第八期後，就再冇出紙。



P.S 徵《深噏》第三至六期

********
此為臨時庫存館藏，歡迎查閱。
*******