《蘇屋文物徑訪客指南及地圖》

蘇屋邨係香港最早期嘅公共屋邨之一，於1963年落成，由香港房屋委員會前身「屋宇建設委員會」興建。成個屋邨合共16座樓高8至18層嘅住宅大廈，提供5000多個出租單位。2009年底開始清拆並原址重建，最後於2019年落成，變成擁有14座21至41層高嘅住宅大廈，提共近7000個租位單位。

重建過程，屋邨內保留了邨內一啲具歷史意義嘅建築物、設施、牌匾，亦保留咗幾個低樓層單位作保育展覽，展示舊日公屋戶生活用品，呈現佢哋嘅生活模樣。

呢張小冊子就係一張訪客地圖，揸係手按指示可以自行行吓蘇屋村，發掘吓蘇屋村嘅名人往事，想像吓以前生活喺舊屋邨嘅時光係點。

館長喺學生年代對蘇屋邨舊貌有依稀印象，但到重建後先真正借地圖指引，喺新邨內走一圈。邊走邊睇住新舊夾雜，穿插係居民日常穿梭往來的步行道，同一眾老街坊擦身而過……呢種遊歷體驗的確係踏實而細碎。提提大家參觀時要顧及邨內居民感受和需要，唔好造成太多滋擾，咁就大家都 happy !

********
此為臨時庫存館藏，歡迎查閱。
********