《在長》創刊號2021年12月

《#在長 》（音：場）係由一間提供社區導賞服務的社企 @kaifongtour 出版。

雖然社企業務涵蓋香港各區，但由於本部位於長沙灣，日常工作同活動多少都同呢區有關，辦報對象亦針對呢區。

創刊號封面一嚟就橫度大大張區內市景加兩位人士交談嘅狀態；加上藍天部分好醒眼，好容易畀人睇到亦吸引拎上手。

值得欣賞之處係創刊號先嚟圍繞一個抽象主題「你在長嗎？」皆因經年發展以嚟，長沙灣地域劃分含混不清，各自表述；如此一問，既可以從史實料考察，亦可以從街坊對本區嘅理解，重新勾劃返一個生活社區嘅版圖，係簡單直接地帶動街坊抽身又宏觀啲咁去觀察自己同身處社區嘅關係。

呢種就社區嘅敍述唔多見係區報出現，亦可能未必直接回應到街坊嘅生活需要，但可視為帶動街坊換位思考嘅小方法，亦有助區外人從一個有趣啲嘅角度認識呢個社區。

《在長》發刊近一年，而家出到第三期，係2022年10月出版。

********
此為臨時庫存館藏，歡迎查閱。
********